უკრაინის პრეზიდენტის ადმინისტრაციის ხელმძღვანელმა ანდრიი ერმაკმა განაცხადა, რომ აშშ-ში ვიზიტის დროს ის ვაშინგტონში სახელმწიფო მდივანს, მარკო რუბიოს შეხვდა.
„ჩვენ განვიხილეთ ფრონტზე არსებული ვითარება და უკრაინისთვის საჰაერო თავდაცვის სფეროში მხარდაჭერის გაძლიერების აუცილებლობის საკითხი.
„ასევე გავუზიარეთ ერთმანეთს ჩვენი მოსაზრებები სტამბოლში რუსებთან შეხვედრებზე, მოლაპარაკებების შემდგომ მსვლელობაზე, ტყვეების გაცვლაზე, რომელიც მოხდება და რუსეთის მიერ გატაცებული ყველა მძევლისა და ბავშვის დაბრუნების მნიშვნელობაზე“, - წერს ის ტელეგრამზე“.
„მე ხაზი გავუსვი, რომ უკრაინამ ყველაფერი გააკეთა მშვიდობის მისაღწევად, დათანხმდა ცეცხლის შეწყვეტას, მაგრამ რუსეთი წინააღმდეგია, ამიტომ საჭიროა დამატებითი სანქციები. ჩვენ შევთანხმდით შემდგომი ქმედებების კოორდინაციაზე“, - დასძინა ერმაკმა.
