სტამბოლში რუსეთ-უკრაინის მოლაპარაკებები, რომელმაც ერთ საათს გასტანა დასრულდა.
სტამბოლში უკრაინამ რუსულ მხარეს გადასცა უკანონოდ გატაცებული უკრაინელი ბავშვების სია, რომლებიც უნდა დააბრუნონ.
ამის შესახებ უკრაინის პრეზიდენტის ადმინისტრაციის ხელმძღვანელმა ანდრიი ერმაკმა განაცხადა.
საუბარია ასობით ბავშვზე, რომელთა დეპორტაციაც რუსეთმა უკანონოდ მოახდინა.
„მარტში, ჯიდაში გამართულ შეხვედრაზე, ჩვენ დავადასტურეთ ჩვენი მზადყოფნა 30-დღიანი ცეცხლის შეწყვეტისთვის ჰუმანიტარული კომპონენტით.
უკრაინელი ბავშვების დაბრუნება სამართლიანი და მდგრადი მშვიდობის განუყოფელი ნაწილი და ნდობის მთავარი ელემენტია, განზრახვების გულწრფელობის პირველი გამოცდა. ჩვენ პასუხს ველოდებით. „ბურთი რუსეთის მოედანზეა“, - დაწერა ერმაკმა თავის Telegram არხზე.
მოლარაკების შემდეგ უკრაინის თავდაცვის მინისტრმა რუსტემ უმეროვმა მოკლე განცხადება გააკეთა. მისი თქმით, რუსეთი და უკრაინა ტყვეებს ისევ გაცვლიან. როგორც BBC წერს, მოლაპარაკების დეტალები მოგვიანებით გახდება ცნობილი.
