რუსეთს უკრაინისგან ჯერ არ მიუღია პასუხი 2 ივნისს სტამბოლში მოლაპარაკებების მეორე რაუნდის გამართვასთან დაკავშირებით, – ამის შესახებ კრემლის პრესმდივანმა, დმიტრი პესკოვმა განაცხადა.
„თქვენ იცით, რომ ჩვენ შევთავაზეთ შევიკრიბოთ ორშაბათს, 2 ივნისს, სტამბოლში მეორე რაუნდზე. ჯერჯერობით, რამდენადაც მე ვიცი, პასუხი არ მიგვიღია“, - თქვა პესკოვმა.
მან ასევე აღნიშნა, რომ რუსეთი საჯაროდ არ განიხილავს უკრაინაში რუსეთის ომის შესახებ დოკუმენტების შინაარსს; „მოლაპარაკებები დახურულ კარს მიღმა უნდა წარიმართოს“, - თქვა მან.
პესკოვმა განაცხადა, რომ კიევის მოთხოვნები მემორანდუმის პროექტის დაუყოვნებლივ გადაცემის შესახებ „არაკონსტრუქციულია“.
ამავდროულად, მან მნიშვნელოვანი უწოდა რუსეთსა და უკრაინას შორის პირდაპირი მოლაპარაკებების პროცესის გაგრძელებას.
გარდა ამისა, მან დასძინა, რომ პუტინსა და ტრამპს შორის მოლაპარაკკების გამართვას ჯერ დაგეგმილი არ არის.
