ლივერპულში ფეხბურთის გულშემატკივრების ზეიმის დროს ტერიტორიაზე მანქანა შევარდა. ინფორმაციას Sky News ავრცელებს.
შემთხვევა საფეხბურთო კლუბ „ლივერპულის“ მიერ ინგლისის პრემიერლიგის ტიტულის მოპოვების აღსანიშნავად მიმდინარე ზეიმზე მოხდა. ეჭვმიტანილი ადგილზე დააკავეს.
წინასწარი ინფორმაციით, შემთხვევის შედეგად 17 ადამიანი დაშავდა.
მომხდარს გამოეხმაურა ბრიტანეთის პრემიერ-მინისტრი კირ სტარმერიც.
„ლივერპულში მომხდარი ამბავი საშინელებაა – ჩემი ფიქრები ყველა დაშავებულთან და დაზარალებულთანაა. მინდა, მადლობა გადავუხადო პოლიციას და საგანგებო სამსახურს ამ შოკისმომგვრელ ინციდენტზე სწრაფი რეაგირებისთვის“, – აღნიშნულია სტარმერის განცხადებაში.
