კიევმა დაადასტურა, რომ რუსეთთან სამხედრო ტყვეების გაცვლის მეორე ეტაპი შაბათს 1000/1000-ზე ფორმატით განხორციელდა, რომლის ფარგლებშიც უკრაინაში 307 ადამიანი დაბრუნდა.
„თურქეთში შეთანხმებული 1000-ის 1000-ზე ფორმატით გაცვლის მეორე დღე. მხოლოდ ამ ორ დღეში უკვე 697 ადამიანი დავიბრუნეთ. ხვალ გაგრძელებას ველოდებით.
დღეს დაბრუნებულებს შორის არიან ჩვენი არმიის, სახელმწიფო სასაზღვრო სამსახურის და უკრაინის ეროვნული გვარდიის ჯარისკაცები,“ - წერს ზელენსკი.
რუსეთის თავდაცვის სამინისტრომ მანამდე გაავრცელა ინფორმაცია უკრაინასთან სამხედრო ტყვეების გაცვლის მეორე ეტაპის შესახებ. შეგახსნებთ, ტყვეების გაცვლის პროცესი გუშინ დაიწყო. უკრაინულმა და რუსულმა მხარეებმა თითოეულმა 307 ტყვე დაიბრუნა.
