ეს რისთვისაა განპირობებული? რომ იყვირონ, რომ ნახე, პოლიტიკოსი დააკავა და ნახე, როგორი დესპოტია და ნახე, როგორ ექცევა პოლიტპატიმრებს, - ამის შესახებ მიხეილ ყაველაშვილმა ტელეკომპანია “იმედის“ ეთერში კოალიცია „ცვლილებებისთვის“ ერთ-ერთი ლიდერის ზურაბ ჯაფარიძის დაკავებასთან დაკავშირებით განაცხადა.
„ახლა ჯაფარიძე რასაც აკეთებს, რისთვის აკეთებს? აქამდე რატომ არ განახორციელა რამე გრანდიოზული, რომ შეეწინააღმდეგა ამ ხელისუფლებას, რუსეთისკენ მიჰყავთო და რას აპირებს და როგორ აპირებს? გადახდით ან არ გადახდით განწყობა უნდა შექმნას, რომ, აი, რა? მაგარი ბიჭია? რას აპირებენ და როგორ აპირებენ?
არ ჩანს არაფერი მსგავსი რომ [მისი დაკავება] პოლიტიკური გადაწყვეტილებაა. სახელმწიფო ვალდებულია, რომ რეაგირება მოახდინოს. ეს არის და ეს.
ეს რისთვისაა განპირობებული? რომ იყვირონ, რომ 'ნახე პოლიტიკოსი დააკავა და ნახე როგორი დესპოტია და ნახე როგორ ექცევა პოლიტპატიმრებს' და თქვენ რომ მე კითხვა დამისვათ, რომ 'როგორ აპირებთ ახლა ცხოვრებას, ან ურთიერთობას ევროკავშირთან? აგერ პოლიტპატიმრები გყავთ და იძახიან, რომ აქ პოლიტიკოსები დააკავეთ”, - განაცხადა ყაველაშვილმა.
