ტრამპის ადმინისტრაციამ ჰარვარდის უნივერსიტეტს უცხოელი სტუდენტების მიღების უფლება ჩამოართვა. სხვა ქვეყნებიდან ჩასული სტუდენტები ახლა სხვა უნივერსიტეტებში უნდა გადავიდნენ, წინააღმდეგ შემთხვევაში ლეგალურ სტატუსს დაკარგავენ.  ინფორმაციას Reuters ავრცელებს.

აშშ-ისშიდა უსაფრთხოების მდივანმა კრისტი ნოემმა თავის დეპარტამენტს უბრძანა, შეწყვიტოს ჰარვარდის უნივერსიტეტის სერტიფიცირება ამ პროგრამისთვის.

მან უნივესიტეტი „ძალადობის წაქეზებაში, ანტისემიტიზმსა და ჩინეთის კომუნისტურ პარტიასთან კოორდინაციაში“ დაადანაშაულა.

„უნივერსიტეტებისთვის ეს პრივილეგიაა და არა უფლება, მიიღონ უცხოელი სტუდენტები და დააწესონ უფრო მაღალი სწავლის საფასური, რათა ხელი შეუწყონ მათი მრავალმილიარდიანი ფონდების გაძლიერებას,“ -განაცხადა ნოემმა.

The New York Times-ის, ცნობით, ასეთი გადაწყვეტილება, სავარაუდოდ, გავლენას მოახდენს როგორც დაწესებულების აკადემიურ საზოგადოებაზე, ასევე მის დაფინანსებაზე, რადგან სტუდენტური კორპუსის დაახლოებით 27% უცხოელებისგან შედგება.

უნივერსიტეტის მონაცემებით, ჰარვარდში წელს დაახლოებით 6,800 უცხოელი სტუდენტი სწავლობდა.

The New York Times წყაროებზე დაყრდნობით, წერს, რომ უნივერსიტეტი ამასთან დაკავშირებით სარჩელის შეტანას განიხილავს.