ნორვეგია უკრაინისთვის დაპირებული F-16 თვითმფრინავების მიწოდებას 2025 წლისთვის დაასრულებს. ამის შესახებ ქვეყნის თავდაცვის მინისტრმა ტურე სანდვიკმა განაცხადა.
მან გაიხსენა, რომ ნორვეგიამ თვითმფრინავების ნაწილი უკვე გადასცა უკრაინას. გეგმის მიხედვით, უკრაინას სხვა თვითმფრინავებიც მიეწოდება.
თუმცა, უკრაინის უსაფრთხოების გამო, თვითმფრინავების ზუსტი რაოდენობა არ ხმაურდება.
მან ასევე აღნიშნა, რომ გასულ წელს ქვეყნის მთავრობამ უკრაინის საჰაერო ძალების დახმარება 1.3 მილიარდი ნორვეგიული კრონით გაზარდა.
„ამ გრანტით ნორვეგიას წვლილი შეაქვს უკრაინის საჰაერო თავდაცვის გაუმჯობესებაში საჰაერო თავდაცვის კოალიციის სხვა წევრებთან თანამშრომლობით“, - განაცხადა სანდვიკმა.
