პაკისტანის პრემიერ-მინისტრმა, შეჰბაზ შარიფმა გამოაცხადა, რომ პაკისტანმა ინდოეთთან ომში გამარჯვება მოიპოვა.
„მთელმა პაკისტანელმა ერმა მიაღწია წარმატებას, ჩვენ მივიპოვეთ ეს გამარჯვება“, - განაცხადა შარიფმა პაკისტანელი ხალხისადმი მიმართვისას.
შარიფმა ინდოეთი ბოლო კვირების განმავლობაში პაკისტანელი მშვიდობიანი მოქალაქეების მკვლელობასა და მეჩეთებზე დრონებითა და რაკეტებით თავდასხმაში დაადანაშაულა
"მშვიდად არ ვიქნებით, ვიდრე პაკისტანი თავის დაკარგულ მთლიანობას არ დაიბრუნებს და ღვთის წყალობით ეს დრო შორს არ არის". - თქვა შარიფმა. .
შარიფს ცეცხლის შეწყვეტის დარღვევებზე არაფერი უთქვამს და აღნიშნა, რომ ცეცხლის შეწყვეტის შეთანხმება "ყველას საკეთილდღეოდ" დადეს.
პაკისტანის პრემიერმა ცეცხლის შეწყვეტის მიღწევაში წვლილისთვის მადლობა გადაუხადა აშშ-ს პრეზიდენტს, დონალდ ტრამპს, პაკისტანის "მოძმე ქვეყანას", საუდის არაბეთს, თურქეთსა და კატარს. ამასთან, შარიფმა მადლობა გაერთიანებულ სამეფოსა და გაეროს "ლიდერობისთვისა და რჩევისთვის" გადაუხადა, ხოლო "დიდი მადლობა" გადაუხადა ჩინეთს, რომელიც, მისი თქმით, "ყოველთვის ედგა მათ გვერდით, როდესაც პაკისტანს ის სჭირდებოდა".
აშშ-ის პრეზიდენტმა გუშინ, 10 მაისს სოციალურ ქსელში Truth Social-ზე დაწერა, რომ აშშ-ის შუამავლობით, პაკისტანი და ინდოეთი "ცეცხლის სრულ და დაუყოვნებლივ" შეწყვეტაზე შეთანხმდნენ.
თუმცა, ამის შემდეგ პაკისტანმა და ინდოეთმა ერთმანეთი შეთანხმების დარღვევასა და ცეცხლის გახსნაში დაადანაშაულეს.
