რუსეთის პრეზიდენტის, ვლადიმირ პუტინის მიერ გამოცხადებული ზავის დაწყებიდან რუსეთის არმია ფრონტის მთელი ხაზის გასწვრივ თავდასხმებს განაგრძობს. უკრაინის შეიარაღებული ძალების გენშტაბის ცნობით, ფრონტის ხაზის გასწვრივ 117 საბრძოლო შეტაკება მოხდა.
აღნიშნულია, რომ რუსებმა სუმის ოლქის სასაზღვრო სოფლებს საკუთარი ტერიტორიიდან ცეცხლი გაუხსნეს.
გენშტაბის ცნობით, .ყველაზე მეტი - 41 სამხედრო შეტაკება პოკროვსკის მიმართულებით მოხდა. ლიმანის მიმართულებით ოკუპანტებმა 17-ჯერ შეუტიეს.
ხარკოვის მიმართულებით უკრაინელმა დამცველებმა აგრესორის ორი თავდასხმა მოიგერიეს და ამჟამად კიდევ ერთი შეტაკება მიმდინარეობს.
კუპიანსკის მიმართულებით მოწინააღმდეგემ განახორციელა 3 შეტევა, სევერის მიმართულებით - 2, კრამატორსკში - 2, ტორეცკში - 5, ნოვოპავლოვსკში - 19, ორეხოვის მიმართულებით - 3, პრიდნეპროვსკში - 2.
კურსკის მიმართულებით, უკრაინელმა სამხედროებმა შვიდი რუსული შეტევა მოიგერიეს.
ცნობისთვის, ვლადიმირ პუტინმა მეორე მსოფლიო ომში გამარჯვების 80 წლისთავთან დაკავშირებით უკრაინაში 8-11 მაისს ცეცხლის შეწყვეტის რეჟიმი გამოაცხადა.
