აშშ-ის პრეზიდენტმა დონალდ ტრამპმა თურქეთის პრეზიდენტ რეჯეფ თაიფ ერდოღანთან საუბარი გამართა, რომლის დროსაც მათ, სხვა საკითხებთან ერთად, რუსეთ-უკრაინის ომიც განიხილეს და ორმხრივი ვიზიტები დააანონსეს.
დონალდ ტრამპმა ერდოღანთან „ძალიან კარგი და პროდუქტიული“ საუბრის შესახებ განაცხადა და აღნიშნა, რომ მათ რუსეთ-უკრაინის ომზე, სირიაში არსებულ ვითარებაზე, ღაზiს სექტორსა და სხვა საკითხებზე ისაუბრეს.
„პრეზიდენტმა სამომავლოდ თურქეთში მიმიწვია და თავად ისიც ვაშინგტონში ჩამოვა“, - თქვა ტრამპმა.
ტრამპმა დასძინა, რომ წინა პრეზიდენტობის დროს მას ერდოღანთან „შესანიშნავი ურთიერთობები“ ჰქონდა და რომ იმ დროს მან მოახერხა თურქეთში დაკავებული პასტორ ენდრიუ ბრანსონის გათავისუფლება.
„ნებისმიერ შემთხვევაში, მოუთმენლად ველი პრეზიდენტ ერდოღანთან მუშაობას, რათა დავასრულოთ უაზრო, მაგრამ საზარელი ომი რუსეთსა და უკრაინას შორის - ახლავე!“ - წერს ტრამპი Truth Social-ში.
