ჩინეთის სამხრეთ-დასავლეთით, მდინარე იანძში შტორმის შედეგად ოთხი ნავი ამოტრიალდა.
ინციდენტის შედეგად ცხრა ადამიანი დაიღუპა. კიდევ ერთი დაკარგულად არის მიჩნეული. ინფორმაციას BBC ავრცელებს.
ნავის ინციდენტი ჩინეთის ყველაზე გრძელ მდინარე იანძში მოხდა. კატასტროფის მიზეზი უეცარი, ძლიერი წვიმა და სეტყვა გახდა.
წინასწარი მონაცემებით, კატასტროფის დროს წყალში 84 ადამიანი ჩავარდა. ამ დროისთვის მათგან 83 გადაარჩინეს.
ვრცელდება ინფორმაცია, რომ 70 დაშავებული საავადმყოფოებში იმყოფება, მათ სიცოცხლეს საფრთხე არ ემუქრება. კიდევ ოთხი ადამიანი არ დაშავებულა და ისინი უსაფრთხო ადგილას არიან.
ჩინეთის ლიდერმა სი ძინპინმა განაცხადა, რომ პოპულარულ ტურისტულ ადგილებსა და საზოგადოებრივ ადგილებში ინციდენტების ზრდის შესაჩერებლად უსაფრთხოების ზომების გაძლიერებაა საჭირო.
