ბრაზილიაში ამერიკელი მომღერლის, ლედი გაგას კონცერტზე ტერაქტის მცდელობა აღკვეთეს. იუწყება Reuters.
„სამოქალაქო პოლიციამ ლედი გაგას კონცერტზე ბომბით თავდასხმის მცდელობა აღკვეთა“, - ნათქვამია რიო-დე-ჟანეიროს შტატის პოლიციის მიერ გავრცელებულ პრესრელიზში.
მათივე ცნობით, თავდასხმა "სიძულვილის ენისა" და თინეიჯერების რადიკალიზაციის გამავრცელებელი ჯგუფის მიერ იყო დაგეგმილი.
გამოძიებით დადგინდა, რომ დამნაშავეები ახდენდნენ ადამიანების გადაბირებას, განსაკუთრებით არასრულწლოვნების, ორგანიზებული თავდასხმების განსახორციელებლად, ხელნაკეთი ასაფეთქებელი ნივთიერებებისა და მოლოტოვის კოქტეილების გამოყენებით.
იუსტიციის სამინისტროს განცხადებით, დაჯგუფება თავს ლედი გაგას გლობალური გულშემატკივრების ნაწილად მიიჩნევს, რომლებიც თავიანთ თავს "პატარა მონსტრებს" უწოდებენ.
გავრცელებული ცნობებით, გამოძიების ფარგლებში ცეცხლსასროლი იარაღის არალეგალურად შენახვისთვის ერთი ადამიანი დააკავეს, რომელსაც ჯგუფის ლიდერად მიიჩნევენ.
გავრცელებული ინფორმაციით, ლედი გაგას კონცერტს, რომელიც რიო დე ჟანეიროს კოპაკაბანის სანაპიროზე 3 მაისს გაიმართა, 2.1 მილიონი ადამიანი დაესწრო.
