უკრაინის პრეზიდენტმა ვოლოდიმირ ზელენსკიმ ვატიკანში აშშ-ის პრეზიდენტ დონალდ ტრამპთან შეხვედრის შესახებ ისაუბრა.
უკრაინული მედიის ცნობით, ზელენსკიმ ტრამპთან საუბარი შეაფასა როგორც „ყველაზე საუკეთესო, რაც კი ოდესმე ყოფილა“ და იმედი გამოთქვა, რომ შეხვედრის შემდეგ ტრამპმა სიტუაციას სხვაგვარად შეხედა.
მან ასევე ხაზი გაუსვა, რომ პირისპირ შეხვედრის ფორმატი ძალიან წარმატებული აღმოჩნდა.
„ვფიქრობ, პრეზიდენტ ტრამპთან ყველაზე კარგი საუბარი გვქონდა, რაც კი ოდესმე გვქონია. ის ალბათ ყველაზე მოკლე, მაგრამ ყველაზე შინაარსიანი საუბარი იყო.“
„ჩვენი გუნდების მიმართ დიდი პატივისცემას გამოვხატავ, თუმცა ჩემი აზრით, პირისპირ შეხვედრის ფორმატმა გაამართლა. ჩვენ თავად საუბრისთვის შესაფერისი ატმოსფერო გვქონდა“, - თქვა ზელენსკიმ.
მან ასევე განაცხადა, რომ შეხვედრის დროს მან საჰაერო თავდაცვის სისტემების საკითხი წამოჭრა და კარგი პასუხი მიიღო.
„მე ტრამპს ვუთხარი [უკრაინისთვის საჭირო თანხის] შესახებ. მან თქვა, რომ ისინი ამაზე იმუშავებენ. და მე მსურს, რომ ჩვენ გვქონდეს წვდომა ამერიკული იარაღის შეძენაზე“, - თქვა ზელენსკიმ.
მან ასევე ხაზი გაუსვა, რომ შეხვედრის დროს ტრამპმა გამოთქვა თავისი პოზიცია რუსეთის წინააღმდეგ დამატებითი სანქციების დაწესებასთან დაკავშირებით.
„...მე აშშ-ის სანქციების საკითხი წამოვწიე. დეტალებში არ შევალ, მაგრამ ის, რაც მან მითხრა, ძალიან მკაფიოდ ჟღერს“, - თქვა ზელენსკიმ.
