სერბეთის პრეზიდენტი ალექსანდარ ვუჩიჩი ჯანმრთელობის მდგომარეობის გაუარესების გამო იძულებული გახდა შეერთებულ შტატებში ვიზიტი შეეწყვიტა.
მედიის ცნობით, ვუჩიჩმა პარასკევს თავი შეუძლოდ იგრძნო და სამედიცინო დახმარება მოითხოვა. გამოკვლევის შემდეგ მან სერბეთში დაბრუნება გადაწყვიტა და ბელგრადში დაბრუნდა.
სერბეთის პრეზიდენტი შეერთებულ შტატებში ოთხშაბათს, რესპუბლიკური პარტიის მაღალჩინოსნებთან და აშშ-ის პრეზიდენტ დონალდ ტრამპთან შეხვედრების გასამართად 30 აპრილს ჩავიდა.
ვიზიტის დასრულებამდე ის ესაუბრა კონგრესმენ კლაუდია ტენის, ნიუიორკის ყოფილ მერ რუდი ჯულიანის და შეერთებული შტატებიდან ჩამოსულ სერბ მეწარმეებს.
სერბეთის პრეზიდენტის ადმინისტრაციას ვუჩიჩის მდგომარეობის შესახებ დეტალები არ გაუვრცელებია, თუმცა განაცხადა, რომ ინფორმაციას უახლოეს დღეებში გაავრცელებს.
მედიის ცნობით, 2019 წელს სერბეთის პრეზიდენტი გულის პრობლემების გამო ხანმოკლე პერიოდით საავადმყოფოში მკურნალობდა.
