კომპანია "ბიგ ჯორჯიამ" ეკონომიკისა და მდგრადი განვითარების სამინისტროსაგან ორი ობიექტი შეიძინა.
ეკონომიკისა და მდგრადი გავითარების სამინისტროს ინფორმაციით, დღეს გამართულ აუქციონზე გამოტანილი იყო ორი ობიექტის ლიცენზია.
სამინისტრომ სენაკში, სოფ. ახალსოფელის ტერიტორიაზე, მდ. ტეხურზე "ახალსოფლის" ქვიშა, ხრეშის გამოვლინების ლიცენზია 10 ათას 531 ლარად გაყიდა. ხოლო სენაკში, სოფ. შუა ხორშის ტერიტორიაზე, მდ. ხობისწყალზე "შუა ხორშის" ქვიშა, ხრეშის გამოვლინების ლიცენზია 22 ათას 124 ლარად გაიყიდა.
ორივე ლიცენზიის მოქმედების ვადა 5 წლითაა განსაზღვრული. ეკონომიკისა და მდგრადი განვითარების სამინისტროს ინფორმაციით, აუქციონზე კონკურენცია არ დაფიქსირებულა, ორივე ობიექტის ლიცენზია შპს "ბიგ ჯორჯიამ" შეიძინა ჯამში აუქციონის შედეგად შემოსულმა თანხამ 32 ათას 655 ლარი შეადგინა.
