უმსხვილესი ბრიტანული ავიაკომპანია British Airways -მა, 2010 წლის დეკემბერში, დიდთოვლობის შედეგად, 50 მლნ. ფუნტის ზარალი მიიღო.
დიდთოვლობა, რომელიც დიდი ბრიტანეთისათვის იშვიათობაა, 2010 წლის დეკემბერში ქვეყნის უმსხვილესი აეროპორტებიდან, ასობით რეისის გადადების მიზეზი გახდა.
შობის კვირაში ჰიტროუს აეროპორტი ორი დღის განმავლობაში მთლიანად დახურული იყო. რამდენიმე დღის განმავლობაში კი აეროპორტებიდან ფრენები გრაფიკის გარეშე მიმდინარეობდა.
2010 წლის დეკემბერში, 2009 წლის ანალოგიურ პერიოდთან შედარებით, British Airways -ის მგზავრთა რაოდენობა 12 %-ით დაეცა.
სტატისტიკური მონაცემების თანახმად, 2010 წლის დეკემბერში Bრიტისჰ Aირწაყს-ი 2,1 მლნ. მგზავრს მოემსახურა, მაშინ როდესაც 2009 წლის დეკემბერში British Airways - ს 2,4 მლნ. მგზავრი ჰყავდა.
აღსანიშნავია, რომ ავიაკომპანიის ზარალი, გამოწვეული დიდთოვლობით ბევრად ნაკლებია, ვიდრე 2010 წლის აპრილში ირლანდიის ვულკანის გამო წარმოქმნილი ფერფლის შედეგად მიღებულ ზარალთან შედარებით. ირლანდიის ვუკლანის გამო, ავიაკომპანიამ 108 მლნ. ფუნტის ზარალი მიიღო.