„რომპეტროლ საქართველოს" ქსელს აღმაშენებლის ხეივნის მეთოთხმეტე კილომეტრზე ახალი ბენზინგასამართი სადგური შეემატა. დღეს, ახალი, რიგით 72-ე ბენზინგასამართი სადგურის პირველი მომხმარებელი მეგაშოუ „ბრავოს" გამარჯვებული სალომე ბაკურაძე გახდა, რომელიც კომპანია „რომპეტროლმა" 1000 ლიტრი საწვავის ვაუჩერით დააჯილდოვა.
მომღერალს, როგორც საპატიო სტუმარს, კომპანიის გენერალურ დირექტორთან ერთად ბენზინგასამართი სადგურის საზეიმოდ გახნის მისიაც დაეკისრა.
„რომპეტროლ საქართველო" მეგაშოუ „ბრავოს" მთელი სეზონის განმავლობაში სპონსორობდა, სადაც პრიზად გამარჯვებული მომღერლისთვის 1000 ლიტრი საწვავი Efix ჰქონდა დაწესებული. შესაბამისად, კომპანიამ გადაწყვიტა ახალი ბენზინგასამართი სადგურის გახსნა სწორედ ამ პროექტის გამარჯვებულის დაჯილდოებისათვის დაეკავშირებინა.
„ბოლო ერთი თვის განმავლობაში ეს რიგით მესამე ახალი სადგურია, რომელიც ყველა ჩვენი ობიექტის მსგავსად, ევროპული სტანდარტებისაა და აღჭურვილია „Tokheim"-ისა და „Shelf"-ის წარმოების ამერიკული და ევროპული დანადგარებით, რაც საწვავის ჩასხმისას აბსოლუტურ სიზუსტეს და უსაფრთხოებას უზრუნველყოფს. სადგურებზე დასაქმდა 40 თანამშრომელი და განხორციელდა 350 000 დოლარი ინვესტიცია. კალონკა აღჭურვილია ხანძარსაწინააღმდეგო სისტემებით და ვიდეოკამერებით. სადგურზე შესაძლებელია საბურავების წნევის შემოწმება და დაბერვა, ასევე საქარე მინის წმენდა. სხვა სადგურების მსგავსად, აქაც მომხმარებელს რომპეტროლის ყველა ტიპის საწვავის შეძენა და „Fill&go-ს ბრენდის სერვისებით სარგებლობა შეეძლება."-აცხადებს „რომპეტროლ საქართველოს" გენერალური დირექტორი ალესანდრე ალბინი.
რაც შეეხება სამომავლო გეგმებს, კომპანიის მენეჯმენტი აცხადებს, რომ სოლიდური ინვესტიციები მოხმარდება ნოვაციური პროექტების დანერგვას, საწვავის ხარისხის კონტროლის სისტემის გაძლიერებას, ქსელის გაფართოებას, სოციალური პროექტებისა და სპორტის სხვადასხვა სახეობების მხარდაჭერას.
"რომპეტროლ საქართველო" ევრო სტანდარტის საწვავის უმსხვილესი მომწოდებელია ქართულ ბაზარზე. კომპანია 6 წელია მუშაობს საქართველოში. ამ პერიოდის განმავლობაში 25 მილიონ დოლარზე მეტი ინვესტიცია განახორციელა. დასაქმდა 800-მდე ადამიანი. კომპანიის ქსელი 72 ბენზინგასამართ სადგურს ითვლის, მათ შორის 9 პარტნიორი, 14 IB შიდა ბაზა და 1 EXPRESS სადგურია.
"რომპეტროლ ჯგუფი" ტრანსნაციონალური ნავთობკომპანიაა, მისი მთავარი ოფისი ამსტერდამში მდებარეობს და ამჟამად მსოფლიოს 16 ქვეყანაში აქვს წარმომადგენლობა. მისი ბრუნვა 10 მილიარდ დოლარს აღწევს. ძირითადად წარმოდგენილია საფრანგეთში, რუმინეთში, ესპანეთსა და სამხრეთ-აღმოსავლეთ ევროპაში. რომპეტროლს ჯგუფის მფლობელია კომპანია „ყაზმუნაიგაზი".