ნობელის პრემიის ლაურეატები პაულ გრიუგმანი, იოზეფ სტიგლიცი და ნურ რუბინი ევროკავშირის წევრ სახელმწიფოებს აფრთხილებენ, რომ ფინანსური პრობლემები დაძლეული არ არის და გატარებული ღონისძიებები ეკონომიკურ აღორძინებას კვლავ აფერხებს.
ნობელიანტები მიიჩნევენ, რომ ცენტრალური ევროპის რიგმა ქვეყნებმა 2010 წელს მნიშვნელოვან წარმატებებს მიაღწიეს.
მაგალითისათვის გერმანიამ გასული წლის მეორე კვარტალში 1990 წლიდან ეკონომიკის ზრდის ყველაზე მაღალი ტემპი აჩვენა. მთლიანად 2010 წელს გერმანიის მშპ-ის ზრდამ 3,3 პროცენტი შეადგინა.
პარალელურად ირლანდიის, საბერძნეთის, ესპანეთის ლატვიის, რუმინეთის ეკონომიკებმა პირიქით ვარდნა განიცადეს. მაგალითისათვის საბერძნეთის მშპ 4 პროცენტით შემცირდა. ნობელიანტები მიიჩნევენ, რომ 2011 წელს ევროპა ვერ შეძლებს თავისუფლად სუნთქვას. აღიარებული ეკონომისტები ევროპის ქვეყნებს რეკომენდაციას აძლევენ რომ ძირითადი ყურადღება დაუთმონ ინვესტიციებს, სამხედრო ხარჯების შემცირებას და საგადასახადო სისტემის რეფორმირებას, რის შემდეგაც შესაძლებელი გახდება ეკონომიკური ზრდა.