შეერთებულმა შტატებმა ირანის წინააღმდეგ სანქციები გააფართოვა. ვაშინგტონში ფინანსთა დეპარტამენტის განცხადებაში ნათქვამია, რომ ოთხი პირი და ორი კომპანია დაემატა სანქციების სიას ირანის სამხედროების სახელით „მავნე კიბერ აქტივობებში ჩართვისთვის“.
აშშ-ის ფინანსთა დეპარტამენტი აღნიშნავს, რომ კიბერშეტევები მიმართული იყო ათზე მეტი ამერიკული კომპანიისა და ხელისუფლების წინააღმდეგ და განხორციელდა ირანის ისლამური რევოლუციის გუშაგთა კორპუსის კიბერსარდლობის ბრძანებით.
იუსტიციის დეპარტამენტის განცხადებაში ნათქვამია, რომ ოთხი ირანელის წინააღმდეგ სანქციების გარდა, აშშ-ის იუსტიციის დეპარტამენტმა და გამოძიების ფედერალურმა ბიურომ მათ ოფიციალურად წაუყენეს ბრალი ამერიკული ორგანიზაციების წინააღმდეგ მიმართულ მავნე კიბერაქტივობებში.
გასულ კვირას შეერთებულმა შტატებმა და დიდმა ბრიტანეთმა შემოიღეს ახალი სანქციები თეირანის წინააღმდეგ ისრაელზე საჰაერო თავდასხმის საპასუხოდ. სანქციების ქვეშ აღმოჩნდა ირანის დრონებისა და რაკეტების წარმოების პროგრამა, თეირანის თავდაცვის სამინისტრო. IRGC სანქციები დაწესდა, ასევე სანქციებს დაექვემდებარა ირანის ისლამური რევოლუციის გუშაგთა კორპუსი.
