ევროპარლამენტარი ანდრიუს კუბილიუსი ეხმიანება "ქართული ოცნების" თავმჯდომარის განცხადებას, ღარიბაშვილმა თქვა, რომ დღეს საქართველო ევროკავშირის წევრობისთვის მზად არ არის. ღარიბაშვილის მტკიცებითვე, არც ევროკავშირია მზად გაფართოებისთვის.
"დეკემბერში ღარიბაშვილმა ევროკავშირის კანდიდატის სტატუსი იზეიმა და მას გამარჯვება უწოდა. 4 თვის შემდეგ ამბობს, რომ საქართველო არ არის მზად. კონკრეტულად ვინ არ არის მზად: ქართველი ხალხი თუ "ქართული ოცნება"? პასუხი ნათელია. საქართველო იღებს რუსული სტილის კანონებს მაშინ, როდესაც პროევროპული ხალხი ქუჩებში პროტესტს აწყობს," - წერს კუბილიუსი X-ზე.
