საქართველოს სახელმწიფო ელექტროსისტემის ინფორმაციით, 2010 წელს რეაბილიტაციის რეჟიმში მოხდა მაღალი ძაბვის 500 კვ.-იანი ხაზების "ქართლი 1" და "ქართლი 2" ახალი დიფერენციალურ-ფაზური და დისტანციური დაცვების მონტაჟი და გაწყობა.
ეს არის ძველ დაცვებთან შედარებით სწრაფმოქმედი და საიმედო, შესაბამისად, იძლევა საშუალებას, ზუსტად განვსაზღვროთ, როგორც დაზიანების სახეობა, ასევე დაზიანებამდე მანძილი. ეს კი გვეხმარება აღდგენითი სამუშაოების დროულად წარმართვაში.
სსე-ში განმარტავენ, რომ მიუხედავად იმისა, რომ დიფერენციალური დაცვების ფუნქცია პროექტით არ იყო გასაზღვრული, ამა წლის აგვისტოს თვეში მომხდარმა ავარიებმა განაპირობა ამ ფუნქციის დამატება.
ფირმა "სიმენსთან" გარკვეული კონსულტაციების გავლის შემდეგ დაიდო კონტრაქტი და სსე-მ შეიძინა მოწყობილობები, რისი მეშვეობითაც საკუთარი ძალებით შეიყვანს დაცვებს მოქმედებაში.