ვიძახით, რომ ხალხს შივა - შივა მართლა ბევრს, ხალხს ძალიან უჭირს - კი ბატონო, მაგრამ, ეს თბილისი რომ გაივსო ამ მანქანებით, წყლით დადის ეს მანქანები? – ამის შესახებ პარლამენტში დეპუტატმა ავთანდილ ენუქიძემ განაცხადა.
„ვიძახით, რომ ხალხს შივა - შივა მართლა ბევრს. ჟურნალისტებმა არ გადამიკეთოთ მერე სხვა რამეში. ხალხს ძალიან უჭირს - კი ბატონო, მაგრამ, ეს თბილისი რომ გაივსო ამ მანქანებით, წყლით დადის ეს მანქანები? თუ რა არის ვერ გავიგე. მე ჩემი კომპანიების მაგალითზე გეტყვით, როგორც კი მუშაობას დაიწყებს ვინმე სადმე, იმ წუთში ბანკისთვის ცნობას იღებს და გარბის მანქანის საყიდლად. რატომ? იმიტომ რომ უნდა... გაივსო, მუშაობა არავის აღარ უნდა, ამის თქმა არავის უნდა, იმიტომ რომ არ არის პოპულარული, მე პოლიტიკურ პოპულარულობას არ ვეძებ, როგორც ვხედავ, ჩემი აზრია“, - განაცხადა ენუქიძემ.
