მოსკოვში ერთ-ერთ საარჩევნო უბანზე დააკავეს ამომრჩეველი, რომელმაც ბიულეტენზე დატოვა წარწერა „პუტინი მკვლელია“, ამის შესახებ რუსული გამოცემა „მედუზა“ იუწყება.
გამოცემის ცნობით, ამომრჩევლი დიდი ხნის განმავლობაში რაღაცას წერდა ბიულეტენზე, რამაც უბანზე მყოფი პოლიციის თანამშრომლის ყურადღება მიიპყრო. დაკავებული პოლოციის განყოფილებაში გადაიყვანეს.
ასევე პოდოლსკში ბიულეტენზე გაკეთებული წარწერისთვის დააკავეს კიდევ ერთი ამომრჩეველი. ქალაქ ოდინცოვოში ერთ-ერთმა ამომრჩეველმა ამომრჩველთა სიას დააწერა სიტყვა „ბოიკოტი“ და უბნიდან ბიულეტენის გატანა სცადა. საბოლოოდ ის დააკავეს და პოლიციის განყოფილებაში გადაიყვანეს.
„მედუზა“ თავის მკითხველებზე დაყრდნობით წერს, რომ საარჩევნო უბნებზე ურნების გვერდით დგანან ზედამხედველები და ცდილობონ შეამოწმონ ბიულეტენები.
