ლატვიის პრეზიდენტი ედგარს რინკევიჩსი მკაცრად გამოეხმაურა რომის პაპ ფრანცისკეს განცხადებას, რომელშიც პაპმა თქვა, რომ უკრაინას უნდა ჰქონდეს „თეთრი დროშის აღმართვის გამბედაობა“
რინკევიჩსი სოციალურ ქსელ X-ში წერს, რომ ბოროტებასთან კაპიტულაცია არ შეიძლება.
„უნდა ებრძოლო მას და დაამარცხო, რათა ბოროტებამ აღმართოს თეთრი დროშა და დანებდეს“, - დაწერა ლატვიის პრეზიდენტმა.
შეგახსნებთ, შვეიცარიის რადიოსა და ტელევიზიისთვის მიცემულ ინტერვიუში რომის პაპმა უკრაინას მოლაპარაკებებისკენ მოუწოდა და აღნიშნა, რომ უკრაინას უნდა ჰქონდეს „თეთრი დროშის აღმართვის გამბედაობა“.
მას შემდეგ, რაც პაპის სიტყვებმა დიდი რეზონანსი გამოიწვია, ვატიკანმა განმარტა, რომ პაპმა ფრანცისკემ უკრაინას მოლაპარაკებებისკენ მოუწოდა და აღნიშნა, რომ აუცილებელია ცეცხლის შეწყვეტა. „მოლაპარაკება არასდროს არის კაპიტულაცია“,- განაცხადეს ვატიკანში.
