აშშ-ის წარმომადგენეთა პალატის სპიკერი მაიკ ჯონსონი და წარმომადგენელთა პალატის ძირითადი კომიტეტების ხელმძღვანელები, რომლებიც დაკავებული არიან ეროვნული უსაფრთხოების საკითხებით, მუშაობენ უკრაინის დახმარების თავიანთი პაკეტის შემუშავებაზე დაიმედოვნებენ, რომ ის კონგრესში გადალახავს კონსერვატორების წინააღმდეგობას, უკრაინის შემდგომ დაფინანსებასთან დაკავშირებით. ამის შესახებ NBC News სამ წყაროზე დაყრდნობით იუწყება.
გეგმები საწყის ეტაპებზეა და ჯერ კიდევ შორს არის დასრულებამდე, თუმცა რესპუბლიკელებს, რომლებიც მხარს უჭერენ უკრაინას, სურთ მზად იყვნენ კანონმდებლობის მისაღებად, როგორც კი კონგრესი მთავრობის დაფინანსების სხვა კანონპროექტებს 22 მარტისთვის დაამტკიცებს.
წყაროების თქმით, შემდგომმა მოლოდინმა შესაძლოა გამოიწვიოს უკრაინისთვის კრიტიკული დახმარების გადაწევა აპრილისთვის, რადგან მარტის ბოლოდან კონგრესის ორკვირიანი არდადეგებია დაგეგმილი.
პალატის საგარეო ურთიერთობათა კომიტეტის თავმჯდომარემ, მაიკ მაკოლმა და სენატორმა ლინდსი გრემმა განაცხადეს, რომ განსახილველ წინადადებებს შორის არის ზოგიერთი არასამხედრო დახმარების (კრედიტის გამოყოფა) განხილვა.
ეკონომიკური დახმარება უკრაინის მთავრობის საერთო ფუნქციონირების მხარდასაჭერად და აღდგენისთვის მისი გრძელვადიანი ძალისხმევის დასახმარებლად ამ გეგმის ფარგლებში დაექვემდებარება სესხის პირობებს. ასევე შესაძლოა გამოყენებულ იქნას, აშშ-ის მთავრობის მიერ სანქციების გამო ჩამორთმეული რუსული აქტივები.
