დიდი ბრიტანეთის თავდაცვის მდივანმა გრანტ შაპსმა კიევში ვიზიტის დროს განაცხადა, რომ უკრაინის შეიარაღებული ძალებისთვის 10 ათასზე მეტი დრონის შესაძენად ბრიტანეთი 325 მილიონი გირვანქა სტერლინგს გამოყოფს.
უკრაინაში მესამე ვიზიტის დროს შაპსი ბრიტანეთის შეიარაღებული ძალების გენერალური შტაბის უფროსთან, ადმირალ ტონი რადაკინთან ერთად შეხვდა პრეზიდენტ ვოლოდიმირ ზელენსკისა და თავდაცვის მინისტრ რუსტემ უმეროვს.
შეხვედრისას შაპსმა განააცხადა, რომ დიდი ბრიტანეთი გამოყოფს 325 მილიონ გირვანქა სტერლინგს - 125 მილიონით მეტს, ვიდრე ადრე იყო გამოცხადებული - 10 000-ზე მეტი დრონის შესაძენად, მათ შორის უმეტესად FPV-დრონებისთვის, ასევე 1000 მოიერიშე დრონებისა და სადაზვერვო და საზღვაო დრონებისთვის.
როგორც ცნობილია, დიდი ბრიტანეთი ლატვიასთან ერთად ხელმძღვანელობს უკრაინის თავდაცვის საკონტაქტო ჯგუფის შეხვედრების ფარგლებში შექმნილ საერთაშორისო „დრონების კოალიციას“.
შეგახსენებთ, რომ ბრიტანეთის პრემიერ-მინისტრმა რიში სუნაკმა იანვარში კიევში ვიზიტისას განაცხადა, რომ ლონდონი 200 მილიონ ფუნტ სტერლინგს გამოყოფს უკრაინელი სამხედროებისთვის სხვადასხვა ტიპის თვითმფრინავების წარმოებისთვის.
