შეერთებულმა შტატებმა შაბათს ღაზაში ჰუმანიტარული დახმარების მიწოდება დაიწყო. ჯო ბაიდენის ადმინისტრაციის ოფიციალურმა პირებმა განაცხადეს, რომ 66 პაკეტი, რომელიც შეიცავდა 35,000 ულუფა საკვებს, თვითმფრინავებიდან პარასუტებით ჩაყარეს.
ამას წინ უძღოდა ღაზის სექტორში 100-ზე მეტი ადამიანის დაღუპვა, რომლებიც ჰუმანიტარული დახმარებით დატვირთული მანქანების კოლონას მიაწყდნენ. ინციდენტის დროს დაშავდა 700-ზე მეტი ადამიანი. გაერო-ს ცნობით, მათგან 200 ჯერ კიდევ საავადმყოფოში მკურნალობს. „ჰამასის“ წევრები მომხდარში ისრაელის არმიას ადანაშაულებენ და აცხადებენ, რომ ღაზის მცხოვრებლებს ცეცხლი გაუხსნეს, ისრაელის თქვეს, რომ სამხედროებმა მხოლოდ გამაფრთხილებელი ცეცხლი გახსნეს. მსოფლიო ლიდერებმა მომხდარის გამოძიებას ითხოვენ.
მანამდე, აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ, თეთრ სახლში გამართულ ბრიფინგზე ხაზი გაუსვა ამგვარი ოპერაციების ჩატარების სირთულეს.
„ეს რთული სამხედრო მისიაა, რადგან ბევრი პარამეტრი ზუსტად უნდა იყოს დაცული. ჩვენ მივუდგებით ამას ისეთივე ყურადღებით, როგორც ნებისმიერ მსგავს ოპერაციას, რადგან ვიცით, რომ სასწრაფოდ უნდა ვიმოქმედოთ, ვიცით ეს საჭიროება. მაგრამ ჩვენ ამას გავაკეთებთ იორდანიელ პარტნიორებთან ერთად და დაგეგმვა განხორციელდება მაღალ დონეზე. ეს არ იქნება ერთჯერადი ღონისძიება. დაიგეგმება და განხორციელდება დამატებითი ფრენები. უკიდურესად რთულია ამის გაკეთება, ისეთ მჭიდროდ დასახლებულ რაიონში, როგორიც არის ღაზა,” - განაცხადა კირბიმ.
სხვა ქვეყნებმა, მათ შორის საფრანგეთმა, ეგვიპტემ და იორდანიამ ღაზას დახმარება უკვე მიაწოდეს.
აშშ-ის დახმარებას წინ უძღოდა ღაზის სექტორში 100-ზე მეტი ადამიანის დაღუპვა. პალესტინელები ჰუმანიტარული დახმარებით დატვირთული მანქანების კოლონას მიაწყდნენ. ინციდენტის დროს დაშავდა 700-ზე მეტი ადამიანი.
„ჰამასი“ ისრაელის არმიას ადანაშაულებს და აცხადებს, რომ მოსახლეობას ცეცხლი გაუხსნეს, ისრაელი აცხადებს, რომ სამხედროებმა მხოლოდ გამაფრთხილებელი ცეცხლი გახსნეს. მსოფლიო ლიდერებმა მომხდარის გამოძიებას ითხოვენ.
