ბანგლადეშის დედაქალაქ დაკაში მრავალსართულიან შენობაში გაჩენილი ხანძრის შედეგად სულ მცირე 43 ადამიანი დაიღუპა.
ადგილობრივი მედიის ცნობით, ხანძარი ადგილობრივი დროით დაახლოებით საღამოს 10 საათზე გაჩნდა რესტორანში, რომელიც შვიდ სართულს იკავებს და სწრაფად გავრცელდა მთელ შენობაში.
მეხანძრეების თქმით, ხანძარი ლიკვიდირებულია, თუმცა მისი გამომწვევი მიზეზი ჯერჯერობით უცნობია.
ქვეყნის ჯანდაცვის მინისტრის სამანტა ლალ სენის თქმით, 43 დაღუპულს შორის ქალები და ბავშვები არიან, ათობით მსხვერპლი კი დამწვრობის განყოფილებაში გადაიყვანეს.
"მეექვსე სართულზე ვიყავით, როცა დავინახეთ კვამლი, რომელიც კიბეზე ამოდიოდა", - განუცხადა ჟურნალისტებს რესტორნის მენეჯერმა, რომელმაც გაქცევა მოახერხა.
მისი თქმით, ზოგიერთი ზედა სართულიდან გადახტომის დროს დაშავდა.
