ევროპულმა საბჭომ სამი საკანონმდებლო აქტი მიიღო, რომელსაც 2021-2027 წლის გრძელვადიან საფინანსო გეგმაში ცვლილებები შეაქვს და უკრაინისთვის დამატებითი დახმარების გამოყოფას ითვალისწინებს..
პაკეტს ხელი მოეწერება და უახლოეს დღეებში ევროკავშირის ოფიციალურ ჟურნალში გამოქვეყნდება. რეგლამენტში შეტანილი ცვლილებები ძალაში შევა გამოქვეყნების დღიდან.პაკეტს ხელი მოეწერება და უახლოეს დღეებში EU-ს ოფიციალურ ჟურნალში გამოქვეყნდება. რეგლამენტში შეტანილი ცვლილებები ძალაში შევა გამოქვეყნების დღიდან.
პაკეტი, მთლიანობაში 64.6 მილიარდ ევროს მოიცავს, რომლიდანაც 50 მილიარდი უკრაინის სამხედრო და ფინანსური დახმარებისთვის არის განკუთვნილი.
უკრაინისთვის გამოყოფილი დახმარების გარდა, პაკეტი ევროკავშირის სხვა კანონიერ ვალდებულებებსა და საჭიროებებს აკმაყოფილებს.
თანხა, სხვა საჭიროებებთან ერთად, მიგრაციისა და საზღვრის კონტროლსა და EU-სა თუ მსოფლიოში ბუნებრივი და ჰუმანიტარული კატასტროფებისთვის გამოყოფილ დახმარებას მოხმარდება.
მანამდე, 27 თებერვალს ეს მაკროსაფინანსო პაკეტი ევროპარლამენტმა დაამტკიცა.
ევროპულმა საბჭომ ევროკავშირის 2021-2027 წლის გრძელვადიანი საფინანსო ჩარჩო 2020 წლის დეკემბერში მიიღო. მოულოდნელი ფაქტორების გამო, ცვლილებების პაკეტი ევროკომისიამ 2023 წლის 20 ივნისში წარადგინა.
