2023 წელს მსოფლიო მასშტაბით დაღუპული ჟურნალისტების 70 პროცენტი პალესტინელი იყო, რომლებიც ღაზის სექტორში დაიღუპნენ.
ამის შესახებ ნათქვამია ჟურნალისტთა დაცვის კომიტეტის (CPJ) ყოველწლიურ ანგარიშში.
CPJ-ის მონაცემებით, გასულ წელს მოკლულ 99 ჟურნალისტსა და მედიის წარმომადგენელს შორის, 77 ისრაელსა და ჰამასს შორის მიმდინარე ომის დროს დაიღუპა.
CPJ-ის ანგარიშის თანახმად, თითქმის ყველა მათგანი - 72, იყო პალესტინელი რეპორტიორი, რომლებიც დაიღუპნენ ისრაელის შეტევების დროს. მათ გარდა, საბრძოლო მოქმედებების დროს დაიღუპა სამი ლიბანელი და ორი ისრაელელი ჟურნალისტი.
„ეს უპრეცენდენტოა. ჩვენ მთლიანად ვეყრდნობით პალესტინელ ჟურნალისტებს, რომლებიც არამარტო აშუქებენ ომს, არამედ ცხოვრობენ ომთან ერთად და გვაწვდიან ახალამბებს და ინფორმაციას ღაზიდან,“ - განაცხადა CPJ-ის აღმასრულებელმა დირექტორმა ჯოდი გინსბერგმა.
2024 წელს ისრაელ-ჰამასის ომში ჟურნალისტები ისევ იღუპებიან. CPJ-ის ცნობით, 14 თებერვლის მონაცემებით, საომარი მოქმედებების შედეგად კიდევ 11 პალესტინელი ჟურნალისტი დაიღუპა.
