ნიუ იორკის შტატის სასამართლომ ოფიციალურად დააკისრა დონალდ ტრამპს 454,2 მილიონი დოლარის გადახდა მას შემდეგ, რაც ის დამნაშავედ ცნო უძრავ ქონებასთან დაკავშირებულ თაღლითობის საქმეში. იუწყება Reuters
გამოცემა აღნიშნავს, რომ გადასახადი მოიცავს 354,9 მილიონი დოლარის ჯარიმას, ასევე პროცენტებს.
სასამართლომ ასევე დაავალა ტრამპის სრულწლოვან ვაჟებს, დონალდ ტრამპ უმცროსს და ერიკს, თითოეულს დაახლოებით 4,7 მილიონი დოლარის, ხოლო Trump Organization-ის ყოფილ ფინანსური დირექტორს ალენ ვაისელბერგს - 1,1 მილიონი დოლარის (პროცენტის ჩათვლით) გადახდა.
მთლიანი ანაზღაურება, რომელიც განისაზღვრა, 464,6 მილიონ დოლარს შეადგენს. 114,000 დოლარზე მეტი პროცენტის დარიცხვა გაგრძელდება ყოველდღიურად, ძირითადად მხოლოდ დონალდ ტრამპისთვის. გადაწყვეტილება აღნიშნულ საკითხზე პარასკევს, 23 თებერვალს გამოცხადდა.
გენერალურმა პროკურორმა ლეტიცია ჯეიმსმა ბრალდებულები დაადანაშაულა ტრამპის აქტივების ღირებულების ხელოვნურად გაბერვაში მისი ქონების გასაზრდელად და უკეთესი საკრედიტო და დაზღვევის პირობების მისაღებად.
