შვედეთის უსაფრთხოების სამსახურმა განაცხადა, რომ რუსეთი საფრთხეს უქმნის შვედეთის ტერიტორიის უსაფრთხოებას ქვეყნის ნატო-ში მოსალოდნელი გაწევრიანების ფონზე.
შვედეთის უსაფრთხოების სამსახურის ყოველწლიური ანგარიშის მიხედვით, შვედეთში გაიზარდა ფარული აგენტების რაოდენობა რამდენიმე ქვეყნიდან.
როგორც უწყება აღნიშნავს, რუსეთი ჩინეთთან ერთად „ახორციელებს უსაფრთხოებისთვის საშიშ ქმედებებს შვედეთის ჩრდილოეთით“.
”რუსეთის ინტერესი შვედეთის ჩრდილოეთის მიმართ, უპირველეს ყოვლისა, მიმართულია შვედეთის სამხედრო პოტენციალისკენ”, - ნათქვამია ანგარიშში.
შვედეთის უსაფრთხოების სამსახურის აღმასრულებელმა დირექტორმა შარლოტა ფონ ესენმა ჟურნალისტებს განუცხადა, რომ უკრაინაში რუსეთის შეჭრის შემდეგ შვედეთში უსაფრთხოებასთან დაკავშირებული მდგომარეობა გაუარესდა.
ფონ ესენმა განმარტა, რომ გასული წლის განმავლობაში შვედეთი ტერორისტული საფრთხის გაზრდილი დონიდან მაღალ დონეზე გადავიდა.
მისივე თქმით, განსაკუთრებით შემაშფოთებელია ტექნოლოგიების უკანონო შეძენა, რომლებიც შემდგომში შეიძლება გამოყენებულ იქნას რუსეთის სამხედრო მრეწველობაში.
