პირველი ოთხი უკრაინელი პილოტი F-16-ის ტიპის გამანადგურებლებზე წვრთნას ზაფხულამდე დაასრულებს. იუწყება CNN არიზონას ეროვნულ გვარდიაზე დაყრდნობით.
პილოტებმა წვრთნები დაიწყეს ოქტომბრის შუა რიცხვებში არიზონას შტატის ტუსონის ბაზაზე. პენტაგონის განცხადებით, მოსამზადებელი პროცესი რამდენიმე თვეს გაგრძელდება.
არიზონას ეროვნული გვარდიის სპიკერის, კაპიტან ერინ ჰანიგანის თქმით, ოთხი პილოტისაგან შემდგარმა მეორე ჯგუფმა სწავლება დაიწყო იანვარში, ხოლო მესამე ჯგუფის ოთხი პილოტი ამჟამად გადის ინგლისურენოვან მომზადებას, რომელიც საჭიროა აშშ-ის მეოთხე თაობის გამანადგურებლისმართვისთვის.
მოსალოდნელია, რომ ყველა პილოტი გაივლის ტრენინგს მაისიდან აგვისტომდე, თუმცა ზუსტი განრიგი დამოკიდებულია პროგრამის მიმდინარეობაზე.
14 თებერვალს გაიმართა კიდევ ერთი შეხვედრა რამშტაინის ფორმატში, რომლის დროსაც უკრაინის პარტნიორებმა ისაუბრეს უკრაინელი მფრინავების მომზადების პროგრესზე და უკრაინისთვის გამანადგურებლების მიწოდებაზე.
შეხვედრის შემდეგ უკრაინის თავდაცვის მინისტრმა რუსტემ უმეროვმა განაცხადა, რომ „ყველაფერი გეგმის მიხედვით მიდის პარტნიორებთან შეთანხმებების ფარგლებში“.
ნიდერლანდების პრემიერ-მინისტრმა მარკ რუტემ განაცხადა, რომ გამანადგურებლების მიწოდება შესაძლებელია "გეგმის მიხედვით", მისივე თქმით, ნიდერლანდები უკრაინას რომ სულ მცირე 24 თვითმფრინავს გაუგზავნის.
დანია და ნიდერლანდები იყვნენ პირველი ქვეყნები, რომლებიც დაპირდნენ უკრაინას F-16-ის ტიპის გამანადგურებლების გადაცემას, მაგრამ ეს მოხდება უკრაინელი მფრინავების სწავლების დასრულების შემდეგ. ამის შესახებ ნორვეგიამ და ბელგიამაც განაცხადეს.
უკრაინის ხელისუფლებამ არაერთხელ განაცხადა, რომ უკრაინაში ავიაგამანადგურებლების გამოჩენამ შესაძლოა, შეცვალოს ვითარება ბრძოლის ველზე, რადგან რუსეთს აქვს სრული საჰაერო უპირატესობა ოკუპირებულ ტერიტორიებზე.
