დიდმა ბრიტანეთმა და ლატვიამ ხელი მოაწერეს შეთანხმებას უკრაინის შეიარაღებული ძალებისთვის უპილოტო საფრენი აპარატების წარმოებისა და მიწოდების საერთაშორისო კოალიციის ერთობლივი ხელმძღვანელობის შესახებ. იუწყება BBC
შეთანხმების ფარგლებში, ქვეყნები უკრაინას 250 მილიონი დოლარის ღირებულების ათასობით დრონს გადასცემენ.
„დრონების კოალიციაში“ უკვე შედის რვა ქვეყანა - დიდი ბრიტანეთი, ლატვია, შვედეთი, დანია, გერმანია, ლიეტუვა, ესტონეთი და ნიდერლანდები.
ვარაუდობენ, რომ კოალიცია უზრუნველყოფს კიევისთვის თანამედროვე უპილოტო თვითმფრინავების უწყვეტ მიწოდებას და ამით გააძლიერებს უკრაინის შეიარაღებული ძალების შეტევით შესაძლებლობებს.
