მამაკაცს, რომელმაც ლონდონიდან ნიუ იორკში ბილეთისა და პასპორტის გარეშე იმგზავრა, ბრალი წარუდგინეს.
ბრიტანული მედიის ცნობით, კრეიგ სტურტმა ლონდონის ჰითროუს აეროპორტში უსაფრთხოების შემოწმება და საპასპორტო კონტროლი გაიარა ყოველგვარი დოკუმენტის წარდგენის გარეშე და British Airways-ის ბორტზე დაუბრკოლებლად ავიდა.
46 წლის კაცი ნიუ იორკის კენედის აეროპორტში დააკავეს და დიდ ბრიტანეთში დააბრუნეს, სადაც მას ბრალი წაუყენეს თაღლითობასა და საავიაციო უსაფრთხოების აქტის დარღვევაში, რაც გულისხმობს მომსახურების მოტყუებით მიღებასა და თვითმფრინავში ნებართვის გარეშე ასვლას.
როგორც იუწყებიან, კაცი ლონდონიდან ნიუ იორკში ბილეთისა და პასპორტის გარეშე შობას გაემგზავრა.
