11 თებერვალს გერმანიის და საფრანგეთის საგარეო საქმეთა სამინისტროებმა მკაცრად დაგმეს პალესტინის ტერიტორიებზე ადამიანის უფლებების საკითხებში გაეროს სპეციალური მომხსენებლის, ფრანჩესკა ალბანეზეს სიტყვები, რომელმაც განაცხადა, რომ "ჰამასის" თავდასხმა არ იყო "ანტისემიტური", არამედ "პასუხი ჩაგვრაზე".
"7 ოქტომბერის თავდასხმა არის 21-ე საუკუნის ყველაზე დიდი ანტისემიტური ხოცვა-ჟლეტა. ამაზე კამათი შეცდომაა. ამის გამართლება გაერთიანებული ერების ორგანიზაციის სტატუსის გამოყენებით სირცხვილია. ეს კომენტარი მით უფრო შემაშფოთებელია, რადგან ანტისემიტიზმისა და რასიზმის ყველა ფორმის წინააღმდეგ ბრძოლა გაეროს არსია", - ნათქვამია საფრანგეთის საგარეო საქმეთა სამინისტროს განცხადებაში.
"7 ოქტომბრის საშინელი ტერაქტების გამართლება და მათი ანტისემიტური ბუნები უარყოფა შემაძრწუნებულია. გაეროს პლატფორმიდან ასეთი განცხადებების გაკეთება სამარცხვინოა და ეწინააღმდეგება ყველაფერს, რასაც გაერთიანებული ერებს ორგანიზაცია მხარს უჭერს", - აღნიშნულია გერმანიის საგარეო უწეყების განცხადებაში.
შეგახსენებთ, ფრანჩესკა ალბანეზემ სოციალურ ქსელში გააზიარა ემანუელ მაკრონის ციტატა, რომელშიც ის გმობდა ანტისემიტიზს და განაცხადა, რომ 7 ოქტომბრის "ჰამასის" ისრაელზე თავდასხმა ანტისემიტიზმთან არ არის დაკავშირებული.
"ჩვენი საუკუნის უდიდესი ანტისემიტური ხოცვა-ჟლეტა? არა, ბატონო მაკრონ. 7 ოქტომბრის მსხვერპლები მოკლეს არა მათი იუდაიზმის გამო, არამედ ისრაელის ჩაგვრის პასუხად. საფრანგეთმა და საერთაშორისო თანამეგობრობამ არაფერი გააკეთა ამის თავიდან ასაცილებლად. ჩემი პატივისცემა მსხვერპლებს", - დაწერა ფრანჩენსკა ალბანეზემ.
მოგვიანებით, ალბანეზემ განმარტა, რომ "იმედგაცრუებულია", რადგან მისი სიტყვები "ჰამასის" თავდასხმის გამართლებად იქნა მიჩნეული.
"მე ვგმობ ყოველგვარ რასიზმს, მათ შორის ანტისემიტიზმს, რომელიც გლობალურ საფრთხეს წარმოადგენს. მაგრამ ამ დანაშაულების ანტისემიტიზმთან მიკუთვნება ჩრდილქვეშ აქცევს მათ რეალურ მიზეზს", - წერს იგი.
