უკრაინული მედიის ცნობით, გასულ ღამეს რუსეთის ძალებმა უკრაინის წინააღმდეგ „შაჰედის“ ტიპის 45 დრონი გაუშვეს. მათგან უკრაინის თავდაცვამ 40 ჩამოაგდო.
უკრაინელებმა მტრის უპილოტო საფრენი აპარატები გაანადგურეს კიევის, ვინიცის, ჟიტომირის, კიროვოგრადის, მიკოლაივის, ჩერკესკის, ოდესის, დნიპროპეტროვსკისა და ხერსონის ოლქებში.
უკრაინის თავდაცვის ძალების განცხადებით, საჰაერო თავდასხმის მოგერიებაში მონაწილეობდნენ საზენიტო-სარაკეტო ძალების ქვედანაყოფები, საჰაერო ძალების და უკრაინის თავდაცვის ძალების მობილური საცეცხლე ჯგუფები და ელექტრონული საბრძოლო აღჭურვილობა.
