უნგრეთის პრეზიდენტმა კატალინ ნოვაკმა თანამდებობა დატოვა.
ნოვაკის გადაწყვეტილება მას შემდეგ გახდა ცნობილი, რაც ბავშვთა სახლში განხორციელებული სექსუალური შევიწროების დაფარვაში მსჯავრდებულის შეწყალების გადაწყვიტილება მიიღო, რასაც საზოგადოების მხრიდან დიდი პროტესტი მოჰყვა.
"მე შეცდომა დავუშვი... დღეს ბოლო დღეა, როცა მოგმართავთ, როგორც პრეზიდენტი. მე მივიღე გადაწყვეტილება შეწყალების შესახებ გასული წლის აპრილში, რადგან მივიჩნიე, რომ მსჯავრდებულმა ბოროტად არ გამოიყენა ბავშვების დაუცველობა, რომლებსაც უვლიდა. შეწყალების გადაწყვეტილებას და დაუსაბუთებლობას, შესაძლოა, გამოეწვია ეჭვები. მე არასდროს შევიწყალებდი მას, ვინც სასტიკად ექცევა ბავშვებს. ბავშვთა დაცვა ჩვენი საერთო მოვალეობაა", - თქვა კატალინ ნოვაკმა.
უნგრეთის პარლამენტმა ახალი პრეზიდენტი ნოვაკის უფლებამოსილების ვადის დასრულებიდან 30 დღის ვადაში უნდა აირჩიოს.
