ნიდერლანდების თავდაცვის მინისტრი კაისა ოლონგრენი მოკავშირეებს უკრაინისთვის სამხედრო დახმარების გაზრდისკენ მოუწოდებს.
ოლონგრენის თქმით, როცა საქმე ეხება იარაღს, წვრთნებსა და სათადარიგო ნაწილებს, არ უნდა არსებობდეს შეზღუდვები უკრაინის დახმარებაზე.
მან ხაზგასმით აღნიშნა, რომ შემდგომშიც მნიშვნელოვანია უკრაინის მხარდაჭერა.
"დავიწყეთ {იარაღის} მიწოდება ჩვენი საკუთარი საწყობებიდან და ახლა ამას ვაკეთებთ სხვა ქვეყნებთან და სფეროებთან თანამშრომლობით, რადგან ჩვენ ასევე გვჭირდებოდა ჩვენი მარაგების მხარდაჭერა. "- დასძინა მინისტრმა.
ოლონგრენმა ხაზგასმით აღნიშნა, რომ სამხედრო დახმარებით ისარგებლებს არა მხოლოდ თავად უკრაინა, არამედ ნიდერლანდების უსაფრთხოებაც, რადგან ის, მიუხედავად იმისა, რომ ევროკავშირისა და ნატო-ს წევრია, აღარ არის დაზღვეული სრულმასშტაბიანი ომისგან.
რუსეთის სრულმასშტაბიანი შეჭრის დაწყებიდან, ნიდერლანდებმა უკრაინას 2,63 მილიარდი ევრო გამოუყო სამხედრო დახმარების სახით. ეს დახმარება მოიცავს საბრძოლო მანქანებს, საჰაერო თავდაცვის სისტემებს, F-16-ის ტიპის გამანადგურებლებს, საბრძოლო მასალას და სხვა აღჭურვილობას.
