ნატო-ს გენერალური მდივანი იენს სტოლტენბერგი მიიჩნევს, რომ თუ უკრაინაში რუსეთის გამარჯვების შემთხვევაში, რუსული აგრესია შესაძლოა, სხვა ქვეყნებშიც გავრცელდეს, ამიტომ ნატო-ს წევრები აქტიურად უნდა მოემზადონ შესაძლო კონფრონტაციისათვის.
ნატო-ს გენერალურმა მდივანმა გამოთქვა მოსაზრება, რომ ალიანსი უნდა მოემზადოს კონფრონტაციისთვის {რუსეთთან}, რომელიც შეიძლება გაგრძელდეს ათწლეულების განმავლობაში, და ამიტომ მის წევრებს სჭირდებათ სწრაფად გააფართოვონ თავდაცვის მრეწველობა.
„თუ პუტინი უკრაინაში გაიმარჯვებს, არ არსებობს გარანტია, რომ რუსული აგრესია სხვა ქვეყნებზე არ გავრცელდება“, - განაცხადა სტოლტენბერგმა.
სტოლტენბერგის თქმით, რუსეთის აგრესიის შესაჩერებლად, აუცილებელია უკრაინის მხარდაჭერა და ნატო-ს სამხედრო პოტენციალში ინვესტიცია, რადგან რუსეთი უკვე ამზადებს თავის ეკონომიკას ხანგრძლივი ომისთვის.
"ჩვენ გვჭირდება სწრაფად აღვადგინოთ და გავაფართოვოთ ჩვენი სამრეწველო ბაზა, რათა გავზარდოთ მიწოდება უკრაინაში და შევავსოთ საკუთარი რეზერვები. ეს ნიშნავს მშვიდობიან პერიოდში ნელი წარმოებიდან გადასვლას სწრაფ წარმოებაზე, როგორც ეს აუცილებელია კონფლიქტის დროს", - განმარტა ნატო-ს გენერალურმა მდივანმა.
