უკრაინული მედიის ინფორმაციით, 9 თებერვლის ღამეს რუსი ოკუპანტები უკრაინას „შაჰედებით“ თავს დაესხნენ. ცარკობის ოლქში, ზმიევის რაიონში ცეცხლი გაუჩნდა სამოქალაქო ინფრასტრუქტურას, დაშავდა ერთი ადამიანი.
ხარკოვის საოლქო-სამხედრო ადმინისტრაციის ხელმძღვანელის ოლეგ სინეგუბოვის განცხადებით, ცეცხლი გაუჩნდა 3-სართულიანი დასასვენებელი კომპლექსის შენობას, რესტორნის გარე ტერიტორიას და 3 მსუბუქ ავტომობილს. მისივე თქმით, ხანძარი უკვე ლიკვიდირებულია.
რუსეთმა სარაკეტო იერიში განახორციელა მიკოლაივისა და ხერსონის მიმართულებითაც.
უკრაინის თავდაცვის ძალების განცხადებით, გასულ ღამეს ოკუპანტებმა საერთო ჯამში უკრაინის წინააღმდეგ 16 „შაჰედი“ გაუშვეს, უკრაინის დამცველებმა 10 ჩამოაგდეს.
