რუსეთის თავდაცვის სამინისტროში განაცხადეს, რომ 9 თებერვლის ღამეს, რუსეთის 4 რეგიონში და შავი ზღვის თავზე 19 უკრაინული დრონი ჩამოაგდეს.
ორლოვის ოლქის გუბერნატორის ანდრეი კლიჩკოვის თქმით, უკრაინული უპლოტო საფრენი აპარატები ჩამოაგდეს კურსკის (2), ბრიანსკის (5) და ორლოვის (4) ოლქებში, ასევე კრასნოდარის მხარეში (2) და შავ ზღვაში (6).
ორლოვის ოლქის გუბერნატორის მტკიცებით, დრონები ამ რეგიონში, თავს დაესხნენ საწვავის და ენერგეტიკულ კომპლექსებს, მაგრამ მისივე თქმით, ეს იერიში აღკვეთეს.
კლიჩკოვმა განაცხადა, რომ მსხვერპლი არ ყოფილა, თუმცა დასძინა, რომ „უსაფრთხოების უზრუნველსაყოფად, სამართალდამცავები იღებენ აუცილებელ ზომებს“.
მანამდე გავრცელდა ინფორმაცია, რომ კრასნოდარის მხარეში, სევერსკის რაიონში, დრონით თავდასხმის შედეგად ნავთობგადამამუშავებელ ქარხანას ცეცხლი გაუჩნდა.
