შეერთებულ შტატებში, სამხრეთ კალიფორნიის მიდამოებში ვერტმფრენი ჩამოვარდა, რის შედეგადაც 5 საზღვაო ქვეითი დაიღუპა.
აშშ-ის სამხედრო ადმინისტრაციის ინფორმაციით, ვერტმფრენი CH-53E Super Stallion სან დიეგოს აღმოსავლეთით ჩამოვარდა.
მათივე ცნობით, მიმდინარეობს გამოძიება და ცხედრების ძიების სამუშაოები.
ვერტმფრენი მიფრინავდა ნევადის საჰაერო ძალების ბაზიდან სან-დიეგოს მახლობლად მდებარე საზღვაო ქვეითთა კორპუსის საჰაერო სადგურ მირამარში.
ტრაგედიას გამოეხმაურა შეერთებული შტატების პრეზიდენტი ჯო ბაიდენი და ღრმა მწუხარება გამოხატა მომხდარის გამო.
