აშშ-ის სახელმწიფო მდივანი ენტონი ბლინკენი ისრაელში ჩავიდა, ქვეყნის ოფიციალურ პირებს შეხვდება. იუწყება CNN.
ენტონი ბლინკენი სავარაუდოდ, შეხვდება ისრაელის პრემიერ-მინისტრს, ბენიამინ ნეთანიაჰუსა და ისრაელის ომის კაბინეტის მთავარ ოფიციალურ პირებს.
ბლინკენმა მანამდე, კატარში ვიზიტისას განაცხადა, რომ ისრაელის ოფიციალურ პირებთან ერთად განიხილავს „ჰამასის“ პასუხს წინადადებაზე, ღაზაში მყოფი მძევლების გათავისუფლებისა და საბრძოლო მოქმედებების მუდმივი შეწყვეტის შესახებ.
