ჩილეს ყოფილი პრეზიდენტი სებასტიან პინიერა ვერტმფრენის ჩამოვარდნის შედეგად დაიღუპა.
მედიის ცნობით, პინიერა ვერტმფრენი რანკოს ტბაში ჩავარდა.
თავის მხრივ, ჩილეს განათლების ყოფილმა მინისტრმა ხერარდო ვალერამ განაცხადა, რომ პინიერას ბორტი სამშაბათს დილით აფრინდა.
რადიო Biobiochile-ს ცნობით, ბორტზე სახელმწიფოს ყოფილი მეთაურის გარდა მისი სამი ნათესავი იმყოფებოდა. მათ ჩამოვარდნის შემდეგ ვერტმფრენიდან გამოსვლა მოახერხეს, მაგრამ 74 წლის პინერამ ეს ვერ შეძლო.
მაშველებმა მისი ცხედარი დაახლოებით 40 მეტრის სიღრმეში უკვე იპოვეს.
ტრაგედიის მიზეზები ჯერჯერობით უცნობია. იუწყებიან, რომ ფრენის დროს წვიმდა.
ამასთან, რადიო მანამდე იუწყებოდა, რომ ვერტმფრენს თავად ექს-პრეზიდენტი მართავდა. კატატროფა ლოს-რიოსის რეგიონში, რანკოს ტბასთან აფრენიდან რამდენიმე წუთში მოხდა.
მოგვიანებით პინიერას დაღუპვა დაადასტურა ჩილეს შინაგან საქმეთა მინისტრმა კაროლინა ტოამ. ქვეყანაში გლოვა გამოცხადდა.
სებასტიან პინიერა ჩილეს პრეზიდენტის პოსტს ორი ვადით 2010-2014 და 2018-2022 წლებში იკავებდა.
