კენიის ქალაქ მალინდის სასამართლომ პასტორს პოლ მაკენზის, რომელიც ერთ-ერთი სექტის ლიდერი იყო, 191 ბავშვის მკვლელობისთვის დაადანაშაულა. მაკენზისთან ერთად სასაართლომ ბრალი დასდო მის 30 თანამზრახველსაც. იუწყება Reuters.
მაკენზის სექტის მიმდევრები დაკავებულები იყვნენ შიმშილობის ექსტრემალური ფორმებით.
პროკურორმა თქვა, რომ მაკენზი სექტის მიმდევრებთან ქადაგებდა, რომ მათ შვილებთან ერთად უნდა ეშიმშილათ, რათა სამყაროს აღსასრულამდე სამოთხეში მოხვედრილიყვნენ.
ყოფილმა ტაქსის მძღოლმა, მაკენზიმ სექტის წევრებს აუკრძალა შვილების სკოლაში გაგზავნა და ავადმყოფობის დროს საავადმყოფოში წასვლა. მედიის ცნობით, ის ასეთ დაწესებულებებს სატანურს უწოდებდა. სექტის წევრები აღმოსავლეთ კენიაში, შაკაჰოლის ტყეში, შორეულ დასახლებებში ცხოვრობდნენ.
მოგვიანებით იქ 400-მდე ცხედარი იპოვეს. ბოლო ორი ათწლეულის განმავლობაში მაკენზი შიმშილობის ექსტრემალურ ფორმებს ქადაგებდა, რაც მისი აზრით, მორწმუნესთვის მარადიული სიცოცხლის მოპოვების უსწრაფესი გზა იყო.
როგორც თვითმხილველებმა განაცხადეს, მაკენზიმ თქვა, რომ სამყაროს აღსასრული დადგებოდა 2023 წლის 15 აპრილს. მისი სექტის წევრები კი უნდა მომკვდარიყვნენ წინა დღეს, რათა არ გამხდარიყვნენ აპოკალიფსის მსხვერპლნი და ამით თავი სამუდამო ტანჯვისთვის არ გაეწირათ.
კენიის მოსახლეობის 85% ქრისტიანია. ამავდროულად, ქვეყანაში დაახლოებით 4 ათასი სხვადასხვა ქრისტიანული ეკლესია და სექტაა.
მაკენზი გასული წლის აპრილში დააკავეს. მას ბრალი წაუყენეს ტერორიზმთან დაკავშირებულ დანაშაულებში, განზრახ მკვლელობასა და წამებაში. გასული წლის დეკემბერში მას 12-თვიანი პატიმრობა მიესაჯა. საქმეზე დაკავებული კიდევ 30 ბრალდებული სასამართლოში 7 მარტს წარდგება.
