ჩილეში ტყის მასშტაბური ხანძრების შედეგად დაღუპულთა რაოდენობა 131-მდე გაიზარდა. მანამდე ვრცელდებოდა ინფორმაცია 123 დაღუპულის შესახებ.
გამანადგურებელმა ხანძარმა მნიშვნელოვანი ზიანი მიაყენა დასახლებულ პუნქტებს, გაანადგურა მთელი კვარტლები.
ტყის ძლიერი ხანძარი მძვინვარებს ვალპარაისოს რეგიონში. განსაკუთრებული საფრთხე ემქურება პროვინციის ქალაქებს ვალპარაისოსა და ვინა დელ მარსას . ეს ორი საპორტო ქალაქი დედაქალაქ სანტიაგოს დასავლეთით მდებარეობს და ტურისტებში მაღალი პოპულარობით სარგებლობს. მოსახლეობის საერთო რაოდენობა ამ ორ ქალაქში მილიონ ადამიანს აჭარბებს. მთელ ქვეყანაში 200-მდე ტყის ხანძრის კერაა.
ქვეყნის პრეზიდენტმა გაბრიელ ბორიჩმა რეგიონში საგანგებო მდგომარეობა გამოაცხადა. მiსი თქმით, ქვეყანა "უდიდესი მასშტაბის ტრაგედიის წინაშე აღმოჩნდა".
პრეზიდენტმა ორშაბათს ორდღიანი ეროვნული გლოვა გამოაცხადა.
