უკრაინის საგარეო საქმეთა მინისტრმა დმიტრო კულებამ განაცხადა, რომ უახლოეს მომავალში მოსალოდნელი სამხედრო-პოლიტიკური გადატვირთვა, გავლენას ვერ მოახდენს კიევის ურთიერთობებზე დასავლელ პარტნიორებთან.
კულებამ ამის შესახებ პორტუგალიელ კოლეგასთან კიევში გამართულ ერთობლივ ბრიფინგზე განაცხადა.
„არ ვფიქრობ, რომ მთავრობაში რაიმე ცვლილება გავლენას მოახდენს ჩვენს პარტნიორებთან ურთიერთობაზე“, - თქვა მან.
კულებას თქმით, ვოლოდიმიირ ზელენსკის აქვს კონსტიტუციური უფლება, გაათავისუფლოს არმიის მეთაური, თუ ის ამას საჭიროდ მიიჩნევს.
კულებამ დასძინა, რომ ნებისმიერი ცვლილება არ იქნება უკრაინის სამხედრო ძალისხმევის განხეთქილების ნიშანი.
"ჩვენ შესაძლოა, გვქონდეს დისკუსია ტაქტიკაზე გუნდში, მაგრამ ჩვენ ყველანი ერთიანი ვართ ჩვენი სტრატეგიული მიზნის გარშემო, ეს არისრუსეთის დამარცხება უკრაინაში და უკრაინის ტერიტორიული მთლიანობისა და სუვერენიტეტის აღდგენა. და ამ სტრატეგიული მიზნის ირგვლივ დისკუსია არ მიმდინარეობს," - აღნიშნა კულებამ.
ზელენსკიმ განაცხადა, რომ განიხილავს "გადატვირთვის" შესაძლებლობას რამდენიმე მაღალი თანამდებობის პირის ჩანაცვლების მიზნით და რომ ეს "გადატვირთვა" გასცდება სამხედრო სფეროს.
