უკრაინის უმაღლესმა რადამ რუსეთის ჯარების სრულმასშტაბიანი შეჭრის შემდეგ გამოცხადებული საომარი მდგომარეობა და საყოველთაო მობილიზაცია კიდევ 90 დღით - 13 მაისამდე გაახანგრძლივა.
შესაბამის კანონპროექტს, რომელიც უმაღლეს რადას პრეზიდენტმა ზელენსკიმ წარუდგინა, 355 დეპუტატიდან მხარი 335-მა დაუჭირა. 20-მა კენჭისყრაში მონაწილეობა არ მიიღო.
უკრაინაში საომარი მდგომარეობა და საყოველთაო მობილიზაცია მეათედ გახანგრძლივდა.
უკრაინაში საომარი მდგომარეობის დროს, მოქმედი კანონმდებლობით, საპრეზიდენტო, საპარლამენტო და ადგილობრივი არჩევნების ჩატარება აკრძალულია. 2024 წლის მარტში უკრაინა საპრეზიდენტო არჩევნების ჩატარებას გეგმავდა
გასული წლის აგვისტოში, ზელენსკიმ განაცხადა, რომ თუ არჩევნები ჩატარდებოდა, კვლავ იყრიდა კენჭს. თუმცა, ნოემბრის დასაწყისში ზელენსკიმ თქვა, რომ ახლა არ არის არჩევნებისთვის მომზადების დრო.
